Sýni allar 5 niðurstöður
Síur3.990 kr.
Dagný Maggýjar segir sögu móður sinnar sem hún missti í sjálfsvígi. Árið 2010 fór Maggý í örlagaríka aðgerð sem varð til þess að hún varð geðveik og lést rúmu ári síðar. Eftir stóðu margar spurningar en í ljós kom að Maggý hafði verið beitt ofbeldi í æsku. Hófst þar með leit höfundar að svörum og sátt. Á heimsenda er söguleg ævisaga, skáldsaga og dagbók sem fjallar um áföll í æsku, tabú og leiðina heim. Frásögnin er ævintýraleg og segir m.a. frá sjóskrímslum, ísbjörnum, hákarlaveiðum og kananum á Heiðarfjalli. En hún veltir líka upp spurningum um ofbeldi í æsku og hvaða áhrif það getur haft seinna á lífsleiðinni.
2.352 kr.
Hvað ef ofurmenni gerðu nákvæmlega það sem nafnið þeirra gaf til kynna? Hvað ef að tveir ferðalangar færu í epískt ævintýri haldandi á túbu sjónvarpi. Þrátt fyrir að vera ekki tæknilega "Fan Fiction," eru sögurnar í Fantabulous Fan Fiction einhverjar klikkuðustu skopstælingarnar hérna megin við Grafarvoginn.
2.989 kr.
Lífið er aldrei jafn hversdagslegt og á haustin, en er það ekki einmitt hversdagurinn sem fyllir lífið? Haustið 1982 er krefjandi fyrir Möggu, hún er í erfiðu háskólanámi og námslánin duga skammt, vinkona hennar missir barn, pabbi hennar veikist og mamma hennar gerir bara illt verra. En þegar líður að jólum ákveður Magga að leyfa sér að vera hvatvís og eyða þeim hjá vinkonu sinni í New York, þó hún sé nýbúin að kynnast spennandi strák. Haustið 82 er eins og önnur haust, fullt af lífi.
4.500 kr.
Hvaða áhrif hafði amerísk varnarstöð á Keflavíkurflugvelli í hálfa öld og hvernig var sá kokteill ólíkra menningarheima? Hér er sjónum beint að hinu hversdagslega og því persónulega - að fólkinu sem þar bjó og starfaði og við heyrum sögur þeirra.
1.400 kr.
Skemmtilegar og ýktar þjóðsögur um Sæmund fróða (1056-1133) hafa lifað með þjóðinni um aldir. En hver var hann í raun og veru? Ýmislegt er vitað og hér er sagt frá uppvaxtarárum hans eins og þau gátu vel hafa verið. M.a. er sagt frá frá æsku hans í Odda á Rangárvöllum og námi á meginlandinu. Í sögunni segir öldungurinn Sæmundur barnabörnum sínum frá ævi sinni og jafnframt vináttu hans við Jón Ögmundsson sem varð fyrsti biskupinn á Hólum í Hjaltadal. Bókin er 52 blaðsíður í litlu broti og er ætluð fullorðnum en ekki síður bókhneigðum unglingum.
