Listlandi

Höfundar eru báðar frá Tékklandi og hafa búið á Íslandi í tæp þrjú ár. Jana Jano er listamaður sem notast við mismunandi tækni og vinnur verkefni í samvinnu við listamenn af öðrum sviðum. Ísland dró fram yfirgnæfandi svarthvíta nálgun í list hennar, en samnefnari í list hennar er minímalismi (naumhyggja). Jana hefur haldið listasýningar í Tékklandi, Austurríki og á Íslandi. Nánari upplýsingar má finna á vefsíðu hennar: www.jana-jano.com Ivana Goláňová hreifst af dýpt íslensks máls, sérstaklega hinum endalausu leiðum til að tjá sama hlutinn. Ástríða hennar fyrir mismunandi tungumálum, því sem þau eiga sameiginlegt og því sem skilur þau að í málfræði og orðaforða, ásamt dálæti hennar á ferðalögum er það sem leiddi hana út í þetta verkefni. Ivana hefur alltaf haft gaman af því að skrifa, þó hennar faglega svið sé sálfræði. Meira á www.deXpre.art.