Um Bókasamlagið

Við ef okkur
skyldi kalla 

Við höfum mikinn metnað þegar kemur að bókaútgáfu sem er í stöðugri þróun og að springa út um þessar mundir, þær breytingar munu gefa höfundum kleift að fá meiri tekjur af höfundaverki sínu og meiri stjórn.

Pantaðu tíma í ráðgjöf - fyrsti tíminn er frír!

Hvað er
Bókasamlagið?

Bókasamlagið veitir ráðgjöf og þjónustu til höfunda, sérstaklega þeirra sem kjósa að gefa út sjálfir en þurfa á þeirri þjónustu að halda sem bókaforlög leggja alla jafna til eins og ritstjórn, prófarkalestur, umbrot, markaðssetning og dreifing.

Við viljum að höfundar fái meira í hlut sinn þegar bók er gefin út og auðvelda aðgengi þeirra að réttum upplýsingum, samstarfsaðilum við hæfi og þjónustu sem hægt er að sameinast um.

Vinnuaðstaða
fyrir höfunda

Félagar í Bókasamlaginu geta nýtt sér vinnuaðstöðu í Bókasamlaginu sem er jafnframt kaffihús og bókabúð. Þar er aðgangur að neti, skrifborðum og prentara og stutt í kaffið.

Höfundar í samlaginu geta jafnframt nýtt sér aðstöðuna til þess að halda útgáfuhóf eða kynningar, notað fundaraðstöðu samlagsins og von bráðar hljóðver til upptöku á hljóðbókum eða til hlaðvarpsgerðar.

Hagkvæmir
samningar

Bókasamlagið semur við prentsmiðjur fyrir hönd félagsmanna og nær því hagkvæmari samningum og getur gefið ráð um prentun til að koma í veg fyrir dýr mistök. Að sama skapi fá félagsmenn betra verð á þjónustu hjá tengiliðum á skrá hjá félaginu s.s. ritstjórum, prófarkalesurum, hönnuðum, markaðsstofum o.s.frv.

Bókasamlagið býður dreifingu í verslanir og getur gert það á hagkvæman hátt þegar margir nýta sér slíka þjónustu.

Hagsmuna-
barátta

Bókaútgáfa er að breytast mikið í dag og þeim fjölgar sífellt sem kjósa að gefa út bækur sínar sjálfir. Þessar breytingar kalla líka á breytt vinnulag í bókaútgáfu sem Bókasamlagið mun vekja athygli á og má þar nefna aukinn hlut höfunda af tekjum bóka, réttindi þeirra á verkum sínum, aðgengi að endurgreiðslu ríkisins og áfram má telja.

Félagsmenn eiga kost á því að bjóða sig fram í stjórn Bókasamlagsins.

Ráðgjöf og þjónusta

Stofnendur Bókasamlagsins eru þær Kikka K. M. Sigurðardóttir og Dagný Maggýjar og veita þær ráðgjöf og þjónustu til höfunda auk þess að vera tengiliður við sérfræðinga sem henta hverju verkefni og þær hafa á skrá.

Þótt hver sem er geti gefið út bók í dag getur það komið niður á gæðum hennar ef ekki er leitað til fagaðila í útgáfuferlinu. Það getur verið sárt að vera með bók í höndunum eftir þrotlausa vinnu sem er með prentvillum, eða lenda í vandræðum því það gleymdist að gera samning við samstarfsaðila eða koma bókinni ekki í fjölmiðla.

Við höfum á lista sérfræðinga sem bjóða þjónustu við ýmsa þætti ferilsins og má þar m.a. nefna: 

  • Ritstjórar

  • Prófarkalesarar

  • Hönnuðir

  • Teiknarar

  • Umbrotsmenn

  • Gerð rafbóka

  • Upptökur hljóðbóka