Dreymir þig um að gefa út bók?

Hvað er sannsaga?
Er hægt að skrifa um eigin ævi, veruleika og minningar án þess að það verði að vandræðalegri naflaskoðun? Hvað þarf til og hvaða þýðingu hefur skáldskapur í því samhengi?

Bókasamlagið mun bjóða upp á námskeið um sannsöguna sem stendur í miklum blóma um þessar mundir þar sem raunveruleikinn og skáldskapurinn mætast.

Rithöfundurinn Hlín Agnarsdóttir mun leiða námskeiðið en hún gaf einmitt frá sér sannsöguna Meydómur sem sló í gegn fyrir síðustu jól þar sem hún fjallaði um æsku sína og ofbeldi í einlægu bréfi til föður. Áður hefur Hlín m.a. skrifað bókina Að láta lífið rætast þar sem notast er við sama form.